Në konferencën e rregullt për shtyp, zv/drejtori i Agjencisë së Barnave dhe Pajisjeve Mjekësore, Mr.farm. Robert Bekiroski, informoi për inspektimet e rregullta për periudhën nga 7 deri më 18 dhjetor.
Gjegjësisht, Agjencia e Barnave dhe Pajisjeve Mjekësore, MALMED në të njëjtën periudhë ka kryer 46 inspektime në barnatoret në të gjithë vendin. Mbikëqyrjet janë kryer në bazë të respektimit të masave të Qeverisë, në fakt për çmimet e përcaktuara të produkteve për mbrojtjen e koronavirusit dhe lëshimin e antibiotikëve.
Agjencia e Barnave u bën apel të gjithë personave juridikë dhe qytetarëve që të veprojnë në përputhje me masat dhe rekomandimet e qeverisë që synojnë parandalimin dhe mbrojtjen nga përhapja e virusit korona, KOVID-19. Në këtë mënyrë ne do të ndihmojmë inspektorët, punonjësit shëndetësorë dhe të gjithë ata që marrin pjesë në luftën kundër kësaj pandemie, për të tejkaluar bashkërisht këtë krizë shëndetësore.
