Të nderuar!
Ве известуваме дека МАЛМЕД најавува отпочнување на функционирање на мошне значаен сегмент на кој што се работеше во изминатиот период – интегрираниот информациски систем (ИИС) за постапките на клинички испитувања.
Ве известуваме дека од 01.04.2022 година Агенцијата за лекови и медицински средства официјално започнува со имплементирање на интегрираниот информациски систем за овие постапки. Системот е од огромно значење за сите засегнати страни кои се секојдневно поврзани со овие активности во МАЛМЕД. Во насока на непречено и ефикасно имплементирање на новиот систем, МАЛМЕД спроведе обуки за сите активни корисници на системот.
Примарна и најзначајна карактеристика на овој систем е што истиот овозможува, транспарентно, навремено, квалитетно и ефикасно спроведување на постапките поврзани со клиничките испитувања со што значително се олеснува работењето како за вработените во Агенцијата така и за сите вклучени страни во овие постапки.
Системот нуди можност за поднесување на барања/обрасци и соодветна документација во електронска форма додека клиените во секој момент имаат преглед на своите барања. Тоа во пракса значи заштеда во време, дебирократизирање на процедурите, зголемена транспарентност како и достапност на целокупната документација во секое време и ефикасна следливост на истата.
Агенцијата за лекови и медицински средства ќе продолжи понатаму континуирано да ја реализира својата мисија која подразбира следење на националните интереси и политиката на приближување кон високите стандарди и барања на ЕУ.
Со почит
Agjencia e Barnave dhe Pajisjeve Mjekësore