Во организација на Европската Комисија, Агенцијата за лекови и медицински средства како и Центарот за испитување и контрола на лекови при Фармацевтскиот факулет, УКИМ на 25 и 26 октомври 2018 година во хотел Арка, во Скопје се одржа дводневна TAIEX работилница на тема: ,,Имплементација на мерките на Европската легислатива за фалсификуваните лекови”.
Настанот го отвори директорот на Агенцијата за лекови и медицински средства Доц. Др. Ќахил Ибраими.
Учествуваа претставници од : Агенција за лекови и медицински средства, Центарот за испитување и контрола на лекови при Фармацевтскиот факулет, УКИМ, Царинска управа на Р. Македонија, Министерство за здравство, Министерство за внатрешни работи, Министерство за правда и Лабораторијата за контрола на квалитет на лекови при Институтот за јавно здравје.
Целта на работилницата беше:
– споделување на искуствата и знаењата во врска со имплементацијата на новото законодавство на ЕУ за фалсификувани лекови и системите за следење на лековите;
– промовирање на знаењето и користењето на MEDICRIME Конвенцијата преку практични мерки за спречување на фалсификување на лековите;
– споделување на искуствата за изготвување докази за судските процеси поврзани со случаи на фалсификувани лекови;
– развивање на дискусија за предизвиците и спроведувањето на најсовремените аналитички пристапи за откривање на фалсификувани лекови;
– споделување на искуствата со другите земји за конкретните законски аспекти.
Како предавачи учествуваа експерти од Европската унија како и од нашата земја со што цениме дека е направен значителен придонес во унапредување на занењата за проблематиката на фалсификуваните лекови за сите присутни на настанот.
